المطبخ المغربي

محرك البحث هنا

نصائح لنجاح الدجاج المحمر ديال العراضات والمناسبات

- غسلي الدجاج وزولي جميع الشوائب اللي تتكون في الدجاح من شحمة ورية والعريقات خصوصا واحد العريق أبيض تيكون في صدر الدجاج راه تيبسل الدجاج كيفما تيكولوا الطيبات.

- رقديه في الماء والملح والخل ليلة كاملة أو من الصباح حتى العشية.

- ملي تبداي تشرملي الدجاجة متخلي حتى بلاصة بلا شرمولة من داخل الدجاجة والخارج بين الفخاد أي فراغ بين الجلدة واللحم تيبان لينا.

- نسلقوا شوية الكبدة والكنزة والعناق الكل مقطع طريفات في شوية الماء وقطرات من الحامض وفصين من الثوم.

- لأكثر لذة للدجاج زيدي طريف من كنور الدجاج حسب كمية الدجاج مثلا 3 الدجاجات ديري ضامة كنور الدجاج و2ضامات الزعفران وراعي لكمية الملح.

- منقليش الدجاج مباشرة بعدما نديرة العطرية والبصلة والزيت نروي بالماء ونشعل عليه النار المهيلة ونخليه يطيب منغطيش الكميلة، منحركش نكلب مرة مرة بعدما نحشي يدي ملعقة خشبية داخل الدجاج ونكلب أو نهزها ملي الطيب.

-بعدما يطيب الدجاج نزولوا نخليه حتى يبرد عاد ندهنوا بالسمن وندخلوا للفران يتحمر والمرق نرمي فيه قشاوش الدجاج والزيتون مغسول بالماء طايب ونخلي المرق يعقاد حتى يتقال.

أكمل القراءة

نصائح مجربة وناجحة لنجاح الطاجين المغربي

التسميات: أكلات رئسية, طاجين, مطبخ مغربي متنوع 0 التعليقات

- الطاجين :
- أول مرة شريتي الطاجين باقي جديد مدهنيهش بالزيت، دهنيه بالبصلة محكوكة وخليه حتى لثلاثة أيام ومن بعد غلي فيه البصلة والماء والملح مزيان صافي وبداي تطيبي فيه خصوصا إلا كان ديال التراب راه متتبقاش تعطي ريحة التراب.

لأحسن مذاق ولذة فالطاجين الماء يكون قليل والعطرية خلطيها بوحدها فزلافة مع شوية الماء طايب وطريف من كنور بكري أو دجاج عاد صبيها فوق الخضرة وغادي يجيك الطاجين فالنهاية لذيذ.

- أما طاجين الحوت روي بكاس اتصلق فيه شوية الروز تزيدي عليه الشرمولة ديال الحوت المعتادة مع شوية مطيشة الحك وممكن تزيدي عريش زعتر وورقة سيدنا موسى أو طريف من كنور الحوت راه تيجي لذيذ بزاف.

- إلا بغيتي الطاجين يطيب على خاطروا بلا ميتحرق واخا تنسايه ديريه فوق المقلة الثقيلة فيها شوية الرملة ديال البحر.

- وفي نهاية التحضير زيدي طريف ديال الحامض مرقد وقبل نهاية الطهي دوري فوق الخضرة حويط ديال زيت الزيتون ورشة القزبر مقطع رقيق.

وبالصحة والراحة

بيتزا باش تجيك مزيانة ضيفي ليها 2 معالق كبار حليب غبرة

و الصوص ديال لباط ضيفي ليهم شوية الزعتر ومعلقة صغيرة كامون تيجي متشبعيش منو

الطاجين باش يجيك مزيان متكثريش الماء و العطرية خلطيها بوحدها فشي زلافة و ديري ليها شوية ديال الماء عاد كبيها على الطاجين و بهاد الطريقة الطاجين تيجي متشبعيش منو و لي كلاه تيشكرو

فالدجاج المشوي ديري، هاد الخلطة كتجي لذيذة : الثوم + الحامض + التحميرة + شوييية د الحار + الملح + الزعتر + البزار + سكينجبير + القزبر حبوب + الزيت البلدية و بيتي الدجاج فيه و من بعد شويه

بالنسبة للكيك على سبيل المثال كاين اللي يبقى يحزر و يبزر فيه ومكطلعش ليه والسر ديالها هو لخميرة ديال الدار اياه ديال الخبز قبل ما ديري دقيق ديري جهد معلقة صغيرة خميرة ديال الخبز و تحريها حتى ذوب وديري دقيق وخميرة الحلوى

سر خطير أخر ف الكيك كيخلي الكيكة مفرقعه بحال الا فيها قنبوله هههههههه هو كاس ديال الماء بارد كديريه مع المقادير سواء ف الاول ولا ف الاخير وكتجي عالية وكتحمق وهكا غيبقاو ديما يسولوك على السر

وهاد الكيكة زوينة و اقتصادية ديال الماء كتجي زوينة وعادية بحال الكيكات لخرين كديري فيها كاس ونصف سنيدة و 2 بيضات وكاس الزيت و1 خمارة رابعة دقيق و كاس ماء سخون يعني طايب 2 معالق شكلاط غبرة كطربي البيض مع سنيدة وضيفي زيت والماء السخون والشكلاط غبرة ونتتي كضربي ونحركوا كلشي وننصبوه في مول مدهون ودخليه للفرن ومنين طيب زينيه بالشكلاط ولا باش حبيتي

البريوش باش يجي مفشفش ورطب ضروري من الزبدة الوصفات بدون زبدة مكيصدقوش والزبدة كتخليه هشيييييييييشة.

إلى بغيتي البنة في الطاجين أو الدجاج محمر أو لحم محمر أو الحريرة أو الكسكس دائما ديري طريف ديال كنور البكري وخا يكون الدجاج

اللوز باش ميتحرقش في القلي وضعيه في الزيت باردة بلا متخليها تسخن وعلى نار متوسطة.

فطاجين الحوت صلقي نصف كاس صغير من الروز نصف سلقة فشي كاسرونة ديري الماء شوية زايد علاش؟ لأنه هو الماء لي غدي نسقيوا بيه الطاجين كيجي الطاجين ملبي وخاثر واااااااااااااااااااااو

وفي طاسة كبي الروز بماه و زيدي عليه الشرمولة وقوام الطاجين ومعلقة ديال معجون ماطيشة و بقاي توزعي علا الطاجين دالحوت بمعلقة ومتنساوش شوية ديال الزعتر وورقة سيدنا موسى

وسر أخر للبنة هو الهريسة بشكل قليل باش تطلق البنة وما تطلقش الحرور وكيجي الطياب لذيذ وهائل والهريسة ممكن استعمالها فالمرق ولاصوص والبيتزا والشرمولة

والمايونيز باش تصدق خاص مولينكس متكونش فيها حتى قطرة ديال لما

* وشرمولة ديال الحوت لي كيتقلى ماديريش فيها الزيت ديري غي شوية ديال الما باش متجيش شرمولة محروقة.

وديال تبخار هي لي ديري فيها زيت. وباش تجي عاطية و واقفة كاندوزها فمقلة على عافية مهيلة

الفريت باش مكيجيوش هازين الزيت ديري فباطاطا منين تكون فلما شوية ديال الخل

أكمل القراءة

نصائح لنجاج الفقاس من المطبخ المغربي

التسميات: حلويات, مطبخ مغربي متنوع 0 التعليقات

نصائح مهمة لنجاح الفقاس مع طريقتي المجربة والناجحة :

_ العجين يكون مرخوف وتيتلصق

_ اللوز يكون مرطب ليلة قبل في ماء الزهر

_ فقط غير كاس واحد زيت أنا تنستعمل أحيانا كاس زيت زيتون وتيجي مزيان فقط تكون ريحتوا ممجهداش

_ بعدما نكمل العجين ترتاح شوية مغطاة ببلاستيكة

_ تقطع قطع متوسطة بسكين ماشي باليد

_ تحربل وتصفف في لاطة مدهونة

_ يدهن بصفر البيض مخلط مع شوية نسكافي ونحركهم مزيان وندهن بهم الحرابل ونشرط بفرشيط

_ نعمل ثقب متباعدة بإبرة

_ يدخل للفرن بارد عاد نشعل الفرن

_ نخليه ساعة لاروب نخرجوا قبل ما يتحمر مثلا نقطع بالسكين من رأس الحربلة ونتأكد من الطياب ميكونش معجن يكون صافي نشف

_ أنا تنخليه حتى الصباح وتنقطع بسكين حاد وممكن تغطيه بمنديل مبلل ومعصر مزيان بعدما حطيناه على مكان بارد وقطعيه بعد مرور ساعتين هذا إلا كنت مزروبة أو خليه حتى الصباح أنا تيجيني أحسن

_ بعدما تقطعيه صففيه في لاطة دون مدهنيها وحمريها شوية من فوق وتحت ورد البال مزيان راه تيتحرق بسرعة
وأخيرا كنتمنى نكون أفدت راه هذي طريقتى الناجحة في تحضير الفقاس وديما تيجيني مزيان

وهذي باقي المقادير إلا كانت هذي

أول مرة تدريه :

6 بيضات كاملة

2 كؤوس سنيدة

كأس زيت

كأس جنجلان

كأس لوز مرطب في ماء زهر قسميه على جوج

كأس ماء زهر

نصف كأس نافع مصهد

2 خمارات

فانية

الدقيق حسب الخليط المهم تكون العجينة مرخوفة واستعملي الزيت باش تحربلي العجين حيت غادي تكون تتلصق ونتمنى ينجح ليك هاذ المرة وبالصحة والراحة مسبقا ..

أكمل القراءة