جديد

الهريسة حارة حمرا






المقادير كما في المطبخ المغربي : 

3 كيلوا فلفلة حمرا حارة أو خضرا حارة حسب الرغبة راها نفس 

3 ريوس ثومة ماشي الفص الراس الكبير 

شوية الملح 

ملعقة قزبر حبوب مطحون

ملعقة كروية مطحونة 

كاس ونصف زيت زيتون 

الطريقة كما في المطبخ المغربي : 

تغسل الفلفة وتقطر وتضل طول النهار فالشمس لمدة ثلاثة أيام 

وتدخل في الليل حتى تجف ثم تلبس الليكات وتنقى من الزريعة 

ومن الراس وتقطع على 2 وتحط في الكسكاس مع الثومة وتترك 

تفور تقريبا 40د ، هاد العملية تقومي بها فالصباح لرائحتها المجهدة، 

وتخليها حتى العشية وتقطر من الماء وتطحن في طحانة 

مطيشة مع إضافة الزيت لعود مرة مرة وتكون الشبكة الغليظة حتى 

تكملي واضيفي ليها القزبر والكروية وعمريها فقراعي معقمين 

وغطيها بشوية زيت الزيتون

وبالصحة والراحة