جديد

شهيوات رمضان بيتزا لمائدة رمضان



مقادير عجينة البيتزا : 
نصف كيلوا دقيق أبيض دقيق الفورس 
بيضة واحدة 
ملعقة خميرة الخبز 
خمارة الحلوى 
واحد دانون طبيعي 
شوية الملحة 
كاس حليب دافئ 
ملعقة كبيرة زبدة رطبة 
طريقة التحضير : 
في قصرية كما جرت العادة في المطبخ المغربي، نخلط جميع المقاديرإلا الزبدة تضاف بعدما نعجنوا المقادير بحيث ندخلها في العجينة بشوية ونجمع العجينة وتغطى ببلاستيك غذائي وتترك ترتاح. 
من بعد نقطع العجين إلى كرات تسرح بالملك وتقطع بقطاعات دائرية ومثلثة ومربعات وتثقب بفرشيط وتطهى نصف طيبة. 
هذا إلا كنا باغين نحتافظوا بالعجين طايب في المجمد، أو نحط عليها جبن الموتزريلا مباشرة على العجين دون منطيبوه وهذا السر باش كاتجي البيتزا معلكة، وتنديروا لاصوص طوماط والحشو حسب الرغبة ممكن الطون أو الكروفيت مشحر أو الكفتة مشحرة ونرش الفرماج وتدخل للفرن قبل نهاية النضج نرش عليها الفرماج وترجع للفرن حتى يذوب الفرماج. 
ممكن ننوع في بلاطوا البيتزا مثلا بين بيتزات بالكفتة وبيتزات بالكروفيت وبيتزات بالطون 

وبالصحة والراحة